Dr. Khwaja Ekram Prof. Dr. Khwaja Mohd Ekramuddin
Related Articles
رخشندہ حسین
تمہاری آنکھیں
مرے عبادت کدے میں
عفت شراب جیسی
میرے حصول عمل کی
تکمیل کے خواب جیسی
تمہاری آنکھیں
تمام صحرا نورد
ژولیدہ حال لوگوں
کو ایک آبی ہوا کاجھونکا
تمہاری آنکھیں
نہ رات جیسی
نہ شب کے مدھم چراغ جیسی
نہ کچھ انوکھے سراغ جیسی
نہ کچھ حقیقت
نہ کوئی دھوکا
نہ کچھ غزالی ،نہ کچھ ہریرہ
نہ ایک شاعر کی خوش بیانی
مگر وہ سادہ بیان آنکھیں
جہاں پہ عالم کی جاویدانی
کا راز گم ہے
شب شبستان زندگی کا
لحاظ گم ہے۔۔۔۔۔۔۔۔۔۔
